Samsung Galaxy Alpha er mættur. Mögulega fallegasti sími sem Samsung hefur hannað til þessa enda er búið að skipta út plasti í ytra byrði símans fyrir málm. Tækið, með sínum góða 4.7 tommu fallega skjá liggur vel í hendi og er ekkert að fara að fljúga á gólfið.

Myndavélin er góð og síminn leysir allar aðgerðir með glæsibrag enda innvolsið ekkert slor. Skjárinn er skarpur og góður en hann er í 720p upplausn í stað 1080p sem þó skiptir ekki öllu. Galaxy Alpha horfir meira til hönnunar en að vera bara að tikka í einhver box um innvols, þetta er tæki sem fólk tekur eftir.

Galaxy Alpha er með fingrafaraskanna og púlsmæli ásamt því að myndavélin getur tekið 4K video. Síminn kemur úr kassanum með Kitkat (4.4.4), nýjustu útgáfunni af Android.

Verið velkomin í næstu verslun og kíkið á Samsung Galaxy Alpha.

Á síðustu Google I/O ráðstefnu þar sem Google fer yfir helstu nýjungar í Android og öðrum þjónustum Google var Android Wear kynnt til leiks.

Android Wear er sérstök útgáfa af Android stýrikerfinu sem er aðeins hugsuð fyrir klæðanleg snjalltæki. Strax komu út nokkur snjallúr frá bæði Samsung og LG sem nota Android Wear en þau hafa enn ekki komið í sölu hér á landi þó það vonandi gerist fljótlega.

Mest hefur þó verið beðið eftir vöru Motorola með Android Wear sem þeir höfðu sagt frá sem kallast Moto 360 en þar er hönnun snjallúrsins upp á það allra besta og snjallúrið meira eins og fallegt úr frekar en smátölva á úlnlið.

Við erum komin með nokkur stykki af Moto 360 og það er komið í sölu. Um er að ræða mjög fá eintök enda eftirspurnin úti mikil og við gátum því ekki fengi fleiri eintök í þetta skiptið.

Moto 360 kemur með leðuról en hún er í sömu stærð og ólar á venjulegum úrum og því auðvelt að skipa um ól sé áhugi fyrir því.

Snjallúr með Android Wear virka aðeins á móti snjallsímum sem keyra Android en í úrið flæða tilkynningar frá símanum ásamt því að hægt er að svara skilaboðum, stýra Spotify og sjá dagatalið í úrinu. Moto 360 er líka með púlsmæli og skrefateljara sem fylgist með hreyfingum yfir daginn og tekur stöðuna á púlsinum. Mörg forrit eru komin með Android Wear stuðning og má þar t.d. nefna Google Maps, Endomondo, Evernote, Google Keep, WhatsApp.

Þar sem magnið sem kom af Moto 360 er mjög takmarkað verður úrið aðeins selt í verslun okkar í Kringlunni. Kíkið við og skoðið úrið, það er ótrúlega fallegt.

Fyrr í kvöld voru vinir okkar hjá Apple með kynningu. Kynntur var til sögunnar nýr iPhone, iPhone 6 og lannað eintak iPhone 6 Plus. Símarnir eru báðir stærri en fyrri kynslóðir en iPhone 6 er 4,7 tommur á meðan að iPhone 6 Plus er 5,5 tommur. Fyrri kynslóðir voru 4 tommur svona til samanburðar.

Símarnir eru annars keimlíkir, báðir með nýjan örgjörva A8 og til hliðar við hann er M8 sem eingöngu sér um að nema hreyfingar, áttir, þrýsting og fleira.

Skjáupplausn er aukin í báðum tækjum en iPhone 6 Plus nær 1080 x 1920 en iPhone 6 nær 750 x 1334. Ekkert slor og Apple lofa kristaltærum litum og að gott sé að horfa á skjáinn frá hvaða sjónarhorni sem er. Tækin hafa svo fengið smávægilega hressingu á ytra útliti, ekkert stórkostlegt en þau eru falleg fyrir augað, mjög falleg.

iOS 8 verður á tækjunum, uppfærð útgáfa af stýrikerfinu sem Apple reyndar kynnti fyrr í sumar. iOS 8 verður aðgengilegt fyrir eldri Apple tæki núna í næstu viku, eða 17.september. iOS 8 er fullt af nýjungum sem margir hafa beðið eftir, en núna verður hægt til dæmis að skipta út lyklaborði og tilkynningar frá forritum fá aukið vægi og þægilegra verður að vinna með þær. Svo er auðvitað fullt af öðrum viðbótum, en ekki hvað ?

Apple kynnti líka Apple Pay sem er snertilaus greiðsluleið þar sem iPhone notar NFC tæknina. Kortaupplýsingar eru þá geymdar í tækinu og óþarfi að taka upp veskið, símanum er hreinlega rennt upp að NFC posa sem eru nú þegar komnir í margar verslanir á Íslandi og málið er afgreitt. Hvort og hvenær Apple Pay muni virka á Íslandi verður að koma í ljós síðar.

Og í lokin kynnti forstjóri Apple, Tim Cook svo snjallúrið sem þeir kalla Apple Watch. Tæki sem búið er að tala um í nærri tvö ár en fáir vissu eitthvað um. Úrið keyrir á móti iPhone og gerir notendum kleyft að gera hina og þessa hluti án þess að taka símann úr vasanum. Úrið sem mun koma í nokkrum útgáfum og tveimur stærðum kemur þó ekki á markað fyrr en á næsta ári.

iPhone 6 og iPhone 6 Plus koma í sölu hjá Símanum þann 31.október.  Forpöntun er hafin.

Apple hafa ýtt á stóra græna takkann og iOS 8, nýjasta útgáfan af stýrikerfinu þeirra fyrir iPhone og iPad er tilbúin fyrir okkur öll að njóta.

En hvað er nýtt ? Er eitthvað sem má ekki fara framhjá neinum ? Það sem mér finnst merkilegast við þessa uppfærslu, í engri sérstakri röð er.

Útskiptanleg lyklaborð

Ha ? Fyrst núna segja Android notendur en núna loksins er hægt að skipta út lyklaborðinu í iOS fyrir eitthvað allt annað. Swiftkey, eitt það allra besta lyklaborð sem Android notendum býðst upp á er auðvitað í boði á iOS 8. Mæli með að sem flestir kíki á það, gáfur Swiftkey eru slíkar að sparar ótrúlega oft mikinn innslátt á lyklaborðið og íslensku stuðningur í Swiftkey er til fyrirmyndar þó hann sé ekki enn komin í iOS 8 en kemur eflaust fljótlega.

Hvað er að eyða rafhlöðunni þinni ?

iOS 8 segir þér núna hvaða öpp eru að eyða rafhlöðunni þinni og þannig geturðu hreinlega hent út appi sem er að fara illa rafhlöðutímann.

Samfelld samskipti (continuity)

Apple eru loksins farnir að notfæra sér skýið, eitthvað sem þeir voru ekki alveg búnir að gera og þú getur byrjað að vinna með t.d. skjal á iPhone eða iPad og fært þig yfir á Apple tölvu og haldið áfram. Eða öfugt og stokkið af stað frá skrifborðinu og haldið áfram að klára það sem þarf að klára.

Myndavélin

Í iOS 8 verður hægt að taka svokölluð time-lapse myndskeið, stilla fókusinn meira og vinna meira með myndirnar.

Spotlight leitin

Leit á iPhone og iPad er enn öflugri. Leitin nær núna yfir fleiri hluti og inn í öpp sem ætti að þýða að hún verður nothæfari.

Widgets

Eitthvað sem Android notendur þekkja, en widgets eru smáforrit sem keyra á í tilkynningarslánni til hliðar við forritið sem þau eru annars hluti af. Þannig er hægt að hafa widget sem sýnir stöðuna í leikjunum í boltanum sem uppfærist í rauntíma, annað sem sýnir veðrið á nokkrum stöðum og enn annað sem gerir þér kleift að stýra Spotify. Allt aðgengilegt bara með því að draga slánna niður.

Ótrúlega þægileið flýtileið og virkilega þægilegt fyrir auðveldar aðgerðir.

Heilsa

Í iPhone 5S kynnti Apple til sögunnar sérstakann örgjörva M7 sem gerir ekkert annað en að geyma og vinna úr öllum þeim gögnum sem fjölmargir nemar á iPhone 5S skynja, finna og nema. Í iOS 8 er komið app sem sýnir þessi gögn öll skilmerkilega og segir þér hversu langt þú hefur gengið, hversu miklu þú hefur brennt og hversu vel þú ert að ná að sofa.

Stórbætt tilkynningarslá

Nú er hægt að bregðast við tilkynningum beint í stað þess að opna app sérstaklega. Þannig er til dæmis hægt að svara skilaboðum beint í lock screen eða svarað beint í tilkynningar slánni
. Sparar sporin og verður eflaust enn betra þegar að fleiri öpp byrja að nýta sér þetta.

Og svo auðvitað allt hitt….

Þessi uppfærsla er full af nýjum hlutum. breytingum og bætingum. Apple sjálfir kalla þetta tímamóta uppfærslu en tíminn verður að leiða það í ljós.

Áður en uppfært er bendum við sérstaklega notendum a að taka afrit (backup) af tækjunum sínum þar sem uppfærslur sem þessar geta klikkað. Þá er gott að eiga afrit.

Uppfærslan er líka nokkuð plássfrek og það gæti verið að þú þurfir að taka til á tækinu þínu áður en að þú getur sett upp iOS 8. Þó tekur uppfærslan minna pláss sé tækið tengt við tölvu og uppfært í gegnum iTunes en að uppfæra þráðlaust í gegnum Settings – General – Software Update.

Nú er loks ljóst hvenær iPhone 6 og iPhone 6 Plus koma til landsins en stóri dagurinn er 31.október.  En hvað munu tækin kosta ?

* Verð geta breyst án fyrirvara

Símarnir koma í sölu þann 31.október.

Skrillex, Paul Kalkbrenner, Todd Terje, Mugison, Prins Póló, Uni Stefson, Nina Kraviz, Nisennemondai og enn fleiri hafa boðað komu sína á Sónar Reyjavík sem fer fram 12-14 febrúar á næsta ári í Hörpu.

Appið er komið út, fyrir iPhone og Android.

Sérstök morgunopnun verður í verslun okkar í Ármúla, föstudaginn 31.október en þá mun verslunin opna klukkan 8 þar sem ljúfir tónar taka á móti þeim sem koma. Léttar veitingar verða í boði og 25% afsláttur af öllum GSM aukahlutum.

Ástæðan er sú að iPhone 6 kemur þá formlega í sölu og því tilvalið að renna við á leið til vinnu eða í skólann og sækja nýja símann sinn. Glæsilegur kaupauki fylgir með iPhone 6 og iPhone 6 Plus eða tveir mánuðir af Endalaust Snjall 1GB GSM áskrift að verðmæti 11.980 kr. Þá er hægt að hringja endalaust, senda endalaus SMS og 6 mánuðir af Spotify Premium fylgja með.

Forsala á iPhona 6 og iPhone 6 Plus er hafin og því ekki eftir neinu að bíða.

· Tónleikaþyrstir landsmenn með dagskrána á hreinu

Troðfullt var á Laundromat þar sem hljómsveitin Berndsen tryllti gesti. „Staðurinn tekur yfir 200 manns allt í allt, þar af 110 í sæti og það er varla auður blettur,“ segir Steinn Einar Jónsson, einn eiganda Laundromat í Austurstræti. Einnig var þétt setið þegar

Snorri Helgason sló fyrsta tóninn í þriggja daga tónleikaröð Laundromat, Símans og Spotify. Frábærir listamenn stíga á svið frá miðvikudegi fram á laugardagskvöld: Meðal þeirra eru Sóley, Lay Low, Grísalappalísa, Ylja og Sing Fang slær svo botninn á laugardag. „Já, það var sama stemning þegar Snorri spilaði og nú, svo grisjaðist út og nýir gestir bættust við. Nú fyrir Berndsen var meira að segja röð fyrir utan.

Miðvikudagur: 14:00 – Snorri Helgason. 16:00 – Berndsen. 18:00 – Vio Fimmtudagur: 13:30 – Fufanu. 15:00 Mr. Silla. 16:30 – Sóley. 18:00 – Lay Low. Föstudagur: 13:00 – Grísalappalísa. 14:30 – Mammút. 16:00 – Sísí Ey. 17:00 – Júníus Meyvant. 18:00 – Rökkurró. Laugardagur: 13:00 – Amaba Dama. 13:30 – Bartónar – Male Choir. 14:30 – Ylja. 16:00 – Valdimar.17:00 – Kött Grá Pjé.  18:00 – Sin Fang

Örtröð hefur verið í verslunum Símans síðustu daga að fá rafræn skilríki og hafa langar raðir myndast.

Það er gott að hafa nokkri hluti bakvið eyrað áður en lagt er af stað að græja rafrænu skilríkin.

– Ef SIM kortið þitt styður rafræn skilríki nú þegar þarftu ekki að fara í næstu Símaverslun heldur er líka hægt að fara í þinn viðskiptabanka. Hér er hægt að athuga hvort að SIM kortið þitt styður rafræn skilríki. 

– Nauðsynlegt er að hafa gild skilríki meðferðis eins og ökuskírteini eða vegabréf. Ekki er nóg að framvísa debet eða kreditkorti.

Ef þessir hlutir eru á hreinu er hægt að spara tíma og einfalda málin. Minnum á að ef SIM kortið styður rafræn skilríki í dag er ekki nauðsynlegt að fara í næstu Símaverslun heldur er hægt að fara í þinn viðskiptabanka.

Símaappið varð til þess að gátan um týnda, þýska giftingarhringinn leystist farsællega í október. En í júlí tapaði þýsk kona fimm vikna gömlum giftingarhring í hestaferð með Pólarhestum fyrir norðan. Hún var ásamt eiginmanni sínum í brúðkaupsferð hér á landi og höfðu þau ákveðið að skella sér á bak litla, íslenska hestsins – sem nýtur fádæma vinsælda í Þýskalandi. Hringurinn hefur nú aftur verið dreginn á fingur henni. Ólíklegt er að hann hefði skilað sér á leiðarenda ef símanúmer hjónanna hefði ekki verið grafið upp með aðstoð Símans.

Vel á aðra milljón hafa séð umfjöllun Stern TV í Þýskalandi á Facebook. Tæplega sjötíu þúsund manns hafa „lækað“ innslagið og fjöldi deilt því. Þá horfðu áhorfendur í Þýskalandi á söguna góðu í sjónvarpinu. Sagan heillaði og ekki síst frábært landslagið sem naut sín í hjartnæmu sögunni.

Mikil leit starfsfólks Pólarhesta að hringnum bar í fyrstu engan árangur en hann fannst svo um síðir í mold á bílastæðinu fyrir utan hesthúsin, eins og þýski frétttamaðurinn Stefan Uhl lýsir. Það leiddi af sér frábæra atburðarás, þar sem starfsfólk Pólarhesta leitaði eigandann uppi með aðstoð sjónvarpsstöðvarinnar.
Leitin að eigandanum tók tíma sinn, sérstaklega þar sem sími Juliane Brigitte Kauertz, sem segir söguna bæði í þýska sjónvarpinu og á mbl.is, hafði skemmst og hún hélt því að hún hefði glatað símanúmeri fólksins.

Við hjá Símanum aðstoðuðum hana við að setja upp þjónustuappið og þar gat hún fundið símanúmer eigenda hringsins með hjálp starfsmanna Símans. En eins og við vitum geta viðskiptavinir séð sundurliðaða notkun sína 6 mánuði aftur í tímann í appinu, fyllt á frelsi, verslað og fengið aðstoð þjónustuvers.

Segja má að þessi ótrúleg ástarsaga þýsku ferðamannanna hafi fengið frábæran endi með ótrúlegri þrautsegju Pólarhesta og aðstoð Símans

Hinn forni fjarskiptarisi Motorola hefur ekki horft mikið til Íslands eða hinna Norðurlandanna almennt síðustu ár og því hafa nokkur tæki frá þeim sem almennt hafa slegið í gegn og unnið sér inn sterkan fylgjendahóp því alveg farið framhjá eyjunni okkar fögru.

Nú breytum við því.

Nýverið hófum við að selja hið rómaða snjallúr Moto 360 sem keyrir á Android Wear og var talað um hér á Símablogginu um daginn. Fallegasta snjallúr sem sá sem hér skrifar hefur séð.

Nú er komið að flaggskipi Motorola sem ber nafnið Moto X. Um er að ræða 2014 útgáfuna af tækinu sem er ný og endurbætt útgáfa af upprunalegu útgáfunni sem kom út í fyrra.

Moto X er stílhreint og fallegt tæki með 5.2″ Full HD skjá, 13MP myndavél og öllum þeím fídusum sem eiga prýða flaggskip almennt. Moto X fer vel í hendi og virkar ekki eins stór og maður myndi halda. Moto X kemur úr  kassanum með Android KitKat en uppfærsla í Lollipop, nýjustu útgáfuna af Android er farin í loftið. Síminn keyrir Android eins næst og það kemur af kúnni, beint frá Google og er því nær ósnert af Motorola og því er upplifunin ekki ólík því að vera með Nexus tæki.

Áskrifendur að Sjónvarpi Símans horfðu á yfir sjö þúsund þætti í ABC Studios á fyrstu sex sólarhringum þjónustunnar. Móttökurnar eru vel fram úr væntingum. Virkilega meiriháttar.

Á tæpri viku eftir að þjónustan leit dagsins ljós, hafa verið spilaðir yfir 300 sólarhringar allt í allt. Við hjá Símanum erum afskaplega ánægð að geta boðið þjónustu sem augljóslega er þörf fyrir og þökkum fyrir móttökurnar.

ABC Studios hefur verið hluti af vöruframboðinu í Sjónvarpi Símans frá 7. nóvember en með áskrift að sjónvarpsefninu má horfa samfleytt á bandarískar sjónvarpsþáttaraðir í yfir 20 daga fyrir aðeins 590 krónur –  Eða rétt 19 krónur á dag.

Sjónvarp Símans hefur samið um aðgang að efnisveitu ABC Studios til þriggja ára. Móttökurnar þessu fyrstu daga voru framar vonum. Fjölmargir ákváðu að prófa, því fyrsti þáttur hverrar seríu er gjaldfrjáls og voru þessir þættir vinsælastir.
Allir þættirnir í ABC studios eru textaðir og á verði sem er lægra en kostar að leigja eina kvikmynd. Þættir í ABC Studios eru meðal annars allar  fyrri þáttaraðir Grey‘s Anatomy, Scandal, Once Upon a Time, Perception og einn sá vinsælasti þessa fyrstu helgi America‘s Funniest Home  Videos.

Viltu 10 GB og tveggja klukkustunda talmöguleika eða 3 GB og 250 mínútur? Já eða enn frekar 1 GB og 350 mínútur? Allt fyrir sama verð. Síminn kynnir þrjár nýjar leiðir fyrir áskrift og frelsi, þar sem viðskiptavinir velja verðið og stilla upp mínútum og gagnamagni innan hverrar þeirra eftir þörfum. Þetta er nýtt á Íslandi.

Þróun áskriftarleiða eftir að snjallsímarnir ruddu sér til rúms hefur verið hröð. Aðeins eru um tvö ár síðan Síminn kynnti fyrst samspil mínútna, gagnamagns og sms innan sömu áskriftar. Þessar nýju leiðirnar munu hjálpa snjallsímanotendum að nýta innihald pakkans til hins ýtrasta. Þeir eru hugsanlega búnir með gagnamagnið en eiga eftir mínútur og geta því skipt þeim út fyrir meira gagnamagns og breytingin rúmast innan pakkans.

Viðskiptavinir kalla eftir sveigjanleika og hann verður varla meiri en að geta valið sér verð og raðað upp fjölda mínútna og gígabætum innan þess; hvort sem er í áskrift eða frelsi.

Kíktu á áskriftarleiðirnar. Þær eru sniðnar fyrir notkun þína. Líka sértu í frelsi.

Tíra í skammdegi. Nú gefst einstakt tækifæri til að setja mark sitt á framtíðina. Landsnefnd UN Women á Íslandi skorar á alla að sýna samstöðu gegn kynbundnu ofbeldi og taka þátt í að skapa ógleymanlega stund með þátttöku í verkinu Skínalda eftir listakonuna Ragnheiði Hörpu Leifsdóttur.

Gjörningurinn fer fram á Klambratúni í dag, 25. nóvember, klukkan 17.15 á alþjóðlegum baráttudegi Sameinuðu þjóðanna gegn kynbundnu ofbeldi þar sem samspil ljóss, tóna og fólks verður í aðalhlutverki. Gjörningurinn er einnig liður í átaki UN Women á Íslandi „Örugg borg“ = Og þar kemur Síminn við sögu. Hann styrkir átakið ásamt Reykjavíkurborg.

Mætum á Klambratún í Reykjavík í dag kl. 17.15. Komum með snjallsíma og lýsum upp Klambratúnið. Sendum þau skilaboð út að ofbeldi gegn konum verður ekki umborið.

Gjörningurinn tekur um tíu mínútur svo fáum við kakó. Salka Sól Eyfeld söngkona flytur ávarp á viðburðinum. Loftmynd verður tekin af verkinu og mun stundin því lifa áfram.

Sjáðu allt um átakið Örugg Borg hér.

Og sjáðu ótrúleg myndbönd herferðarinnar sem þúsundir landsmanna hafa þegar séð hér. Ef þú setur símanúmerið þitt inn getur þú séð annað sjónarhorn atburðarrásarinnar í símanum þínum. Þetta eru reynslusögur úr íslenskum veruleika. Þessu þurfum við að útrýma.

Tökuvélar sem svifu um í drónum gera það að verkum að gjörningur Ragnheiðar Hörpu Leifsdóttur, Skínalda, mun nú lifa á netinu. Verkið vann hún fyrir UN Women sem í rúma viku hafa vakið athygli okkar á mikilvægi þess að konur um allan heim séu öruggar á götum úti.

Á þriðja hundrað komu saman á Klambratúni á þriðjudag og lýstu upp umhverfið sitt til að sýna samstöðu gegn kynbundnu ofbeldi. Nú hefur Tjarnargatan unnið myndband sem er eitt framlaga Símans til átaksins í samstarfi við UN Women. Þetta er magnað listaverk. Sjáðu bara.

4G farsímanet Símans nær nú til ríflega 72% landsmanna. Það hefur stækkað ört á árinu eða sexfaldast litið til fjölda senda. Síminn er kominn með þessa fjórðu kynslóð farsímasenda í alla landshluta. Farsímanetið stækkar ört og eru Hveragerði, Fnjóskadalur, Höfn í Hornafirði og Reyðarfjörður næst inn.

Nú í nóvember hefur 4G verið eflt í Kópavogi og Hafnarfirði, og sendar settir upp við Geysi, í Grindavík og á Sauðárkróki.  Í september setti Síminn til að mynda upp 4G á Ísafirði og Akranesi.

Ljóst er að sífellt fleiri landsmenn eru tilbúnir fyrir 4G tæknina og nú er svo komið að 85 af hverjum 100 seldum símtækjum í verslunum Símans styðja 4G. Þróunin er hröð og litið á heildina styður nú ríflega fjórðungur tækja í umferð  4G miðað við 2% í ársbyrjun 2013.

Farsímanetið er ólíkt fastanetinu heima fyrir að því leyti að hraðinn á því deilist á milli þeirra sem nota það. Nú þegar 4G netið þéttist og æ fleiri eigendur 4G tækja færast yfir á þessu fjórðu kynslóð farsímaneta verður enn meiri hraði til skiptana handa þeim sem stóla á 3G kerfið, en það hefur einnig verið eflt á undanförnum árum með sífellt auknum hraða. Uppbygging 4G bætir því upplifun allra viðskiptavina Símans á netinu, hvort sem þeir eiga 4G tæki eða ekki!

Frá því í vor hafa 4G sendar verið settir upp víða um land. Á Akureyri, Egilsstöðum og Selfossi. Einnig í Keflavík, Stykkishólmi, Borgarnesi og Vestmannaeyjum. Þá hefur netið verið þétt á höfuðborgarsvæðinu og sett upp í stærstu sumarbústaðarlöndum landsins, eins og í  Grímsnesi, Hvalfirði og á Þingvöllum.

Það gæti borgað sig að svara símanum í verslun okkar í Kringlunni eða á Akureyri dagana 12. til 16.desember. Við ætlum að hringja að handahófi í sýningartækin okkar og ef einhver svarar fær hann síma að gjöf. Ekki flókið.

Sjónvarp Símans er svo miklu meira afþreyingartól en marga grunar. Með því að smella á “VoD” takkann á fjarstýringunni og velja “Karaoke“, taka á móti þér um 50 íslensk karaoke lög og yfir 100 erlend lög, án þess að það kosti krónu aukalega. Nú er einfaldlega málið að snúa baki við óveðri og nepju og byrja að syngja af hjartans list.

Og úrvalið er ekkert slor, við sjáum dæmi :

Íslensk tónlist – „Draumur um Nínu” – „Lífið er yndislegt” – “Bahama” – „Little Talks” – „Það geta ekki allir verið gjördjöss” – „Is it true” – „Enga fordóma” – „Diskó Friskó“ ofl. ofl.

Íslensk jólatónlist – „Ef ég nenni” – “Jólahjól” – „Snjókorn falla” – „Þú komst með jólin til mín” – „Ég sá mömmu kyssa jólasvein” – „Yfir fannhvíta jörð” – “Aðfangadagskvöld” – “Jólastund“ ofl. ofl.

Dæmi um erlenda tónlist – „Dancing Queen” – „Crazy in love” – „Your Song” – „Careless Whisper” – „Billie Jean” – “Rio” – „I kissed a Girl” – „Someone Like You” – „Get Lucky” – “Royals” – “Happy“ og um hundrað önnur eðal lög.

Tímaflakk í Sjónvarpi Símans er nú notað eitt hundrað þúsund sinnum á hverjum einasta degi. Það jafnast á við að hvert einasta heimili með Sjónvarp Símans spili minnst tvo dagskrárliði á dag með hjálp Tímaflakksins.

Tímaflakkið hefur einfaldlega breytt sjónvarpsnotkun svo margra landsmanna til frambúðar. Notkunin hefur aukist jafnt og þétt frá því að það fór í loftið í janúar 2013. Þá voru spilanirnar tvö þúsund á dag, þróuðust í 15 þúsund spilanir annan mánuðinn og þaðan hratt upp í fimmtíu þúsund spilanir á dag. Nú í haust voru þær komnar í 100 þúsund á hverjum einasta degi!

Tímaflakkið virkar þannig að áskrifendur kalla fram dagskrá sjónvarpsstöðvanna með fjarstýringunni, velja þann þátt sem sýndur var síðasta sólarhringinn og spila. Ertu ekki örugglega að flakka um dagskrána með Tímaflakkinu? Það reddar deginum.

Sjónvarp Símans tók stakkaskiptum á árinu 2014. Glænýtt viðmót í byrjun september auk þess sem Tímaflakkið virkar nú á yfir eitt hundrað rásum. Þá hóf Síminn að bjóða karókí í maí. Það sló í gegn. Nú eru lögin orðin vel yfir eitt hundrað og þau eru spiluð yfir tuttugu þúsund sinnum!

Við hjá Símanum viljum fagna þessum árangri og segja takk fyrir frábærar viðtökur. Við höfum því sett nettan jólapakka í Sjónvarp Símans með frábæru jólaefni: Þrjár seríurnar af Hæ Gosa sem sýndar voru á SkjáEinum, tónleikar Ásgeirs Trausta frá Off Venue dagskrá Airwaves í ár, fyrsta sería Biggest Loser frá Skjánum, Vínartónleikar Sinfóníuhljómsveitarinnar, minninartónleikar Vilhjálms Vilhjálmssonar, brot af því besta úr SkjáKrökkum, Fólkið í blokkinni eru meðal efnis í pakkanum. Rúsínan í pylsuendanum er svo arineldur í háskerpu.

Já, jólin koma! Áskrifendur að Sjónvarpi Símans munu ekki missa af neinu á meðan þeir þræða jólaboð stórfjölskyldnanna. Uppáhaldsþættirnir og íslensku bíómyndirnar bíða eftir þeim með hjálp Tímaflakksins. Jólakarókíið getur svo enn bætt á afþreyingu og ánægju fjölskyldunnar um jólin – Allt í Sjónvarpi Símans.

Gleðileg jól, frá Símanum.